Facelift Foods

Spinach

Hindi lang pala pampalakas gaya ng sinasabi ni Popeye kundi pinababagal nito ang paglitaw ng wrinkles sa mukha dahil sa taglay nitong antioxidant na kung tawagin ay lutein. Matapos kumain ng spinach, naiiwasan ang pagkatuyo ng balat na number one dahilan ng pagkulubot nito.

Oyster

May vitamin B12 at iron upang matanggal ang black round circle sa mata at maiwasan ang pangangaliskis ng kutis.

Bawang

Nagtataglay ng natural antibiotic with blood cleansing, immune boosting, antibacterial properties. Ang pagkain ng bawang ay nakakatuyo ng acne. Ang ginagawa ng iba ay inihuhurno ang bawang na ginayat ng maninipis para ma­ging malutong.

Avocado

Mayaman sa omega-3 fatty acids, na sanhi ng pagpapalabas ng collagen sa balat para manatiling sariwa at makinis ang balat. May anti-inflammatory properties upang hindi magkaroon ng acne at psoriasis.

Saging

Dapat ay balanse lang ang tubig sa ating katawan at kapag napasobra ay belly bloating at eyebag ang resulta. Sapat na potassium sa katawan ang sagot sa fluid retention. Ang saging, strawberries, melon ay ilan lang sa prutas na mayaman sa potassium.