Matandang Tinali (80)
PINAPASOK si Dong ng asawa ni Manong Naldo sa bahay. Nakita niya si Manong Naldo na nakahiga sa papag. Nang makita siya nito ay hirap na hirap sa pagbangon. Mukhang mga paa ang masakit.
“Kumusta Manong Naldo, may sakit ka pala!’’
“Oo Dong.’’
“Anong sakit mo?’’
“Etong mga paa ko. Rayuma yata. Namamaga. Ang sakit!’’
“Nagpa-check-up ka na sa doctor?”
“Hindi pa.’’
“Bakit?”
“E kuwan… wala pang budget, alam mo na mahirap kumita.’’
“Sige akong bahala, magpa-check-up ka na. Kailangang ma-laman kung anong cause niyan at namamaga.”
“Mawawala rin ito Dong. Mga tatlong araw pa at wala na ito.’’
“Pa-check-up ka na, Manong Naldo at baka kung ano na ‘yan.’’
“Sige Dong. Kakahiya naman sa’yo.’’
“Mamaya bago ako umalis e bibigyan kita ng pera. Bigay ko sa iyo kaya huwag kang mag-isip kung paano babayaran.’’
“Salamat Dong.’’
“Walang anuman.’’
“Hindi ko muna matatabasan ang damo sa farm mo dahil dito. Dong.’’
“Okey lang. Kapag magaling ka na saka ka magtabas.’’
“Ang sakit kasi. Nga-yon lang ako nakaranas ng ganito kasakit sa buong buhay ko. Gumagapang ako!’’
“Kaya talagang dapat mo nang ipa-check-up para maresetahan ka ng gamot. Bilhin mo agad ang gamot.’’
“Oo, Dong.’’
Bago nagpaalam si Dong, binigyan niya ng P5,000 si Manong Naldo.
Halos mangiyak-ngiyak si Manong.
(Itutuloy)
- Latest
