Biyaheng Dubai ni Pangulong Marcos, kinansela
MANILA, Philippines — Kinansela kahapon ni Pangulong Ferdinand “Bongbong” Marcos Jr. ang kanyang biyahe patungong Dubai upang dumalo sana sa Conference of the Parties to the United Nations Framework Convention on Climate Change (COP28) sa Dubai, United Arab Emirates.
Sinabi ni Marcos na may mas mahalagang development na kailangang atupagin kaugnay sa 17 Filipino seafarers na hinostage sa Red Sea.
“In light of important developments in the hostage situation involving 17 Filipino seafarers in the Red Sea, I have made the decision not to attend COP28 in Dubai tomorrow,” pahayag ni Pangulong Marcos.
Sinabi rin ni Marcos na iko-convine niya ang isang meeting upang makapagpadala ng isang high-level delegation sa Tehran, Iran para matulungan ang mga seafarers.
Sa halip, sinabi ni Pangulong Marcos na si Environment Secretary Ma. Antonio Yulo-Loyzaga na lamang ang kanyang itinalaga para pangunahan ang delegasyon.
Matatandaan na isang British-owned cargo ship na pinapatakbo ng isang Japanese company kung saan lulan ang 17 Filipino seafarers ang pinasok ng armadong grupo sa Red Sea.
- Latest