^

Police Metro

Buong suporta ibibigay ni Bongbong Marcos sa SSS

Malou Escudero - Pang-masa

MANILA, Philippines — Upang matiyak ang pagiging epektibo habang bumabangon ang bansa sa pandemya ay ipinangako ni Pangulong Ferdinand Marcos Jr. na ibibigay ang buong suporta sa Social Security System (SSS).

Sa kanyang talumpati sa paggunita ng ika-65 ani­bersaryo ng SSS sa SSS building sa Quezon City, tinitiyak ni Marcos na bilang Pangulo ay susuportahan niya ang lahat ng hakbang para sa pagpapaunlad, pag­papahusay at pagiging pro­duktibo ng ahensiya para sa kapakanan ng mga ma­mamayan.

Sinabi rin ni Marcos na ang kritikal  na papel ng SSS sa pagpapalakas ng panlipunang proteksyon ng bansa ay higit na mahalaga sa kasalukuyang panahon lalo na sa pagbangon ng bansa mula sa pandemya.

Ayon pa kay Marcos, nais niyang makita kung papaano ilalapit ng SSS ang serbisyo sa mga mi­yem­bro nito at gumawa ng po­sitibong epekto sa mga ko­munidad na kanilang pi­nagseserbisyuhan.

Sinabi rin ng Pangulo na sa pamamagitan ng isang malakas at matatag na SSS ay magkakaroon ng isang mas magandang kinabukasan, hindi lamang para sa mga miyembro nito kundi pati na rin sa buong bansa.

Inilatag din ni Marcos ang ilang mga programa na pinasimulan ng kanyang administrasyon sa SSS.

Kabilang dito ang pag­papatupad ng Contribution Subsidy Provider Program, ang flexible payment scheme para sa mga ma­ngingisda at magsasaka at ang Contribution Penalty Condonation Program para sa mga business at household employers.

FERDINAND MARCOS JR.

SOCIAL SECURITY SYSTEM

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with