DA pinalawak ang ‘price freeze’ coverage
MANILA, Philippines — Dahil sa maraming tiwaling negosyante ang nagsasamantala ngayong panahon ng enhanced community quarantine sa presyo ng mga agri-products lalo na sa Metro Manila, dinagdagan ng Department of Agriculture ang coverage para sa price freeze policy.
Ayon kay Agriculture Secretary William Dar, kasama na ngayon sa expanded price freeze ang panguahing uri ng bigas (imported, local at NFA), galunggong, pork liempo, itlog ng manok (medium), at cooking oil.
Anya, sapat ang suplay ng agri-fishery products para sa pangangailangan ng mga tao kayat walang dapat ipangamba ang publiko at huwag bumili ng mas higit sa kanilang consumption level.
Sinabi ni Dar na sa pinalakas na DA-Bantay Presyo Task Force katuwang ang Local Price Coordinating Councils ay huhulihin at kakasuhan ang mga lalabag sa price freeze.
Ang expanded list ng basic agri-fishery commodities at presyo ay ang mga sumusunod: bangus (cage-cultured), P162; tilapia (pond-cultured, fresh-chilled), P120; galunggong (imported), P130; pork (pigue/kasim), P190; chicken (whole), P130; sugar (refined), P50; sugar (brown), P45; red onion (fresh), P95; garlic (fresh, imported), P70; garlic (fresh, local), P120; rice (imported): special, P51; premium, P42; well-milled, P40; at regular, P39; rice (local): special, P53; premium, P45; well-milled, P40; regular, P33; NFA rice regular-milled, P27; roundscad/galunggong (local), P130; pork (liempo), P225; chicken egg (medium), P6.50/piece, at cooking oil (30ml), P24.
- Latest
