Lalaki inutas sa computer shop

MANILA, Philippines - Pinagbabaril sa loob ng isang computer shop ang isang 26-anyos na lalaki habang ito ay nag­lalaro ng Dota kamakalawa ng gabi sa Bagong Barrio, Caloocan City.

Nakilala ang biktima na si Raymund Mina, 26, ng No. 41 Genesis Alley, Brgy. 143 Bagong Barrio.

Batay sa imbestigasyon, bago nangyari ang pamamaril sa biktima dakong alas-6:30 ng gabi sa loob ng  computer shop sa may Genesis Alley, Bagong Barrio ay nag­lalaro ito ng Dota nang pumasok ang suspek at  
walang kaabog-abog na pinagbabaril ng suspek sa ulo at katawan saka mabilis na tumakas.

Lumalabas sa pagsisiyasat na ang posibleng dahilan nang pagpatay sa biktima ay may kinalaman umano sa iligal na droga.