Mekaniko tinodas dahil sa P60 utang
Rhoderick ­Beñez (Pang-masa) - January 17, 2016 - 9:00am

MANILA, Philippines – Pinatay ang isang mekaniko na sinasabing di-nakapagbayad ng P60 na pagkakautang sa biniling balot matapos pagtulu­ngang gulpihin ng magkapatid na lalaki sa Roamsiville, Koronadal City, South Cotabato kamakalawa.

Kinilala ang biktima na si Wilfredo Almodiente ng Sitio Supon, Barangay San Jose sa nasabing lungsod.

Nasakote naman ang suspek na si John Rex Moden habang pinaghahanap ang utol nitong si Jofevon Moden.

Nabatid na pumagitna ang biktima sa away ng suspek na si John Rex at ng asawa nito.

Gayon pa man, nagalit ang suspek sa biktima at siningil ito sa kanyang utang na P60 sa biniling balot.

Nagalit din ang biktima dahil ipinahiya ito sa harap ng maraming tao kaya sumiklab ang away.

Nakihalubilo naman sa away ang kapatid ng suspek na si Jofevon kung saan sinuntok nito sa leeg ang biktima gamit ang tsakorno na naging dahilan nang pagkakatumba nito saka pinagtulu­ngang gulpihin.

Naisugod naman sa South Cotabato Provincial Hospital subalit idineklarang patay ang biktima.

ACIRC ANG BARANGAY SAN JOSE JOFEVON MODEN JOHN REX JOHN REX MODEN KORONADAL CITY SITIO SUPON SOUTH COTABATO SOUTH COTABATO PROVINCIAL HOSPITAL WILFREDO ALMODIENTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with