^

Unahan ang Cignal at Petron

Fergus E. Josue Jr. (Pang-masa) - August 22, 2019 - 12:00am

MANILA, Philippines — Tuloy ang laban ng da-lawang bigating koponan para sa huling upuan sa Fi­nals ng 2019 Philippine Superliga (PSL) All-Filipino Conference.

Maghaharap sa ‘do-or-die’ semifinals match ang defending champions na Petron Blaze Spi­kers at Cignal HD Spi­kers para makaabante sa championship round nga­yon sa The Arena sa San Juan City.

Nagawang manggulat ng HD Spikers nang bu­rahin nila ang ‘twice-to-beat’ advantage na hawak ng Blaze Spikers sa likod ng kanilang come-from-behind victory, 25-20, 10-25, 16-25, 27-25, 15-11 no­ong Martes.

Nag-init para sa Cignal ang tambalan ng dala-wang beteranong sina Ra­chel Ann Daquis at Jo­velyn Gonzaga na nagre-histro ng 21 at 15 marka, ayon sa pagkakasunod.

Naniniwala si Cignal head coach Edgar Barro­ga na mas mabigat na pressure ang nasa balikat nga­yon ng Petron pero mag­kagayon man ay bi­bigyan pa rin nila ito ng ma­gandang laban.

“Palagay ko ‘yung pressure ngayon nasa ka­nila kasi ngayong nothing to lose na kami, bibigyan na lang namin siguro ng magandang laban ‘yun at saka pag-eensayuhan namin si­la. Siguro ‘yun na lang,” ani Barroga.

Sasandalan muli ng Cig­nal sina Daquis at Gon­zaga kasama sina Ja­nine Navarro, Mylene Pa­at, Alohi Robins-Hardy, Ranya Musa, Roselyn Do­ria at Jheck Dionela.

Sa panig naman ng Petron, inaasahan na nila na magiging dikit ang la­ban nila kontra sa Cignal kaya’t wala silang ma­gag­awa kundi tanggapin ang kanilang pagkatalo at bumalik at bumawi para madepensahan nila ang ka­nilang korona.

Kung sinuman ang ma­nalo ay makakaharap ang F2 Logistics na una nang nakalusot sa Finals matapos patalsikin ang Fo­ton, 25-19, 25-23, 17-25, 25-19.

2019 PHILIPPINE SUPERLIGA ALL-FILIPINO CONFERENCE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with