Tornadoes giniba ang UVC
MANILA, Philippines — Mainit na humarurot ang Foton Tornadoes nang sagasaan ang United Volleyball Club, 26-24, 25-20, 15-25, 25-21, upang makuha ang unang panalo sa Philippine Superliga Grand Prix kahapon sa Ynares Sports Arena sa Pasig City.
Nagtulong sina imports Selime Ilyasoglu ng Turkey at Courtney Felinski ng United States sa opensa, habang minanduhan ni playmaker Gyzelle Sy ang setting duties para sa panalo ng Tornadoes.
“It’s a huge win. You always want to start the season on a right foot and it’s a good feeling and I’m really proud of the team for staying positive and communicating and playing to win. It’s a good thing for us,” ani Felinski.
Nagdagdag din ng ilang importanteng puntos sina opposite hitter Shaya Adorador, at middle blockers Maika Ortiz at Christin Joy Rosario para tulungan ang kanilang imports sa attack line.
Malaki ang naitulong ni libero Jen Reyes na sumalag sa ilang atake ng kanilang karibal at pagbibigay ng magandang receptions para sa Foton.
Magpapatuloy ang aksyon sa Martes sa The Arena sa San Juan City kung saan sisimulan ng Petron ang pagdepensa sa titulo laban sa PLDT sa alas-2 kasunod ang duwelo ng United Volleyball Club at Sta. Lucia Realty sa alas-4:15 at ang Cignal at F2 Logistics sa alas-7 ng gabi.
- Latest
