Arellano tracksters kampeon sa NCAA

MANILA, Philippines - Nakuha ng Arellano U ang lahat ng medal sa  1500 meter run kahapon para tanghaling seniors champion sa ikalawang sunod na taon sa 92nd NCAA track and field competition sa Philsports Complex sa Pasig City.

Nakopo ni Joe Marie Arevalo ang gold sa 1500m gold habang ang kanyang mga teammates na sina Immanuel Camino at Christian Traje ang naka-silver at bronze me-dals, ayon sa pagkakasunod upang makumpleto ang dominasyon ng Chiefs sa centerpiece event.

Sa kabuuan, ang Arellano U ay nakalikom ng 740 points upang talunin ang Mapua at St. Benilde na may 537.5 at 407.5 points, ayon sa pagkakasunod.

Ang Jose Rizal U na four-peat champion bago naagawan ng titulo ng Arellano U noong nakaraang taon ay tumapos na No. 4 sa 334 points at Perpetual Help na No. 5 na may 311.5 points.

Nanalo rin si Jose Marie Arevalo sa 800m  na nag-angat lalo sa Arellano U.

Ito ang ikaapat na titulo ng Arellano U ngayong season matapos magkampeon sa  juniors lawn tennis, women’s badminton at volleyball.

“This is a victory of the whole Arellano U community and we’re proud of their accomplishments,” sabi ni Peter Cayco, ang representative ng Arellano sa Management Committee.

Si Francis Medina ng Perpetual Help ang  most bemedalled athlete sa kanyang panalo sa 400m, 110m hurdles, 400m hurdles at 4x400m relay.

Sinira rin ni Medina ang recods sa 110m at 400m hurdles para sa kanyang impresibong performance.

Sa juniors’ action, naghari ang Emilio Aguinaldo sa ikalawang sunod na pagkakataon matapos umani ng 641.5 points upang talunin ang San Beda na may 578 point at San Sebastian (469 points).

Pinangunahan ni Veruel Verdadero ang Brigadiers para maging most outstanding athlete sa juniors division matapos ang kanyang panalo sa 100m, 200m, 400m, 4x100m and 4x100m kung saan binura niya ang mga record sa 400m at 4x100m.

Sina Paulino Coloma, Jr. ng Arellano at Fernando Bagasbas ng EAC ang hinirang na  Coaches of the Year sa seniors at juniors divisions.