^

PM Sports

Lady Slammers nakuntento sa third place sa PSL

Pang-masa

IMUS CITY, Philippines – Tinapos nina imports Alexis Olgard at Bojana Todorovic ang kanilang kampanya matapos tulungan ang Philips Gold sa 23-25, 25-21, 25-22, 25-17 pa­nalo laban sa Cignal sa classification match ng 2015 Philippine Superliga (PSL) Grand Prix women’s volleyball tournament kahapon di­to sa Imus Sports Center.

Sa ikalawang laro, tinalo ng Meralco Power Spikers ang RC Cola-Air Force Raiders, 25-21, 20-25, 25-23, 25-20, para sikwatin ang fifth place.

Bumalikwas sina Olgard at Todorovic mula sa kanilang kabiguan sa Foton Tornadoes sa se­mifinals para ihatid ang Lady Slammers sa third-place finish sa nasa­bing inter-club tournament na inihahandog ng Asics ka­tuwang ang Milo, Senoh, Mikasa at Mueller bilang technical partners at TV5 bilang official broadcaster.

Nagsalansan ang 6-foot-5 na si Olgard, isang middle blocker mu­la sa University of Southern California, ng 21 sa kanyang 25 points sa smashes.

Humataw naman si To­dorovic ng 19 kills at 3 blocks para tumapos na may 23 points sa Philips Gold na dinuplikahan ang kanilang third-place finish sa na­karaang All-Filipino Conference noong Ma­yo.

Humakot din si To­do­rovic, naglaro bilang li­bero para sa 2011 US NCAA Division I champion na University of California-Los Angeles, ng 23 excellent receptions bukod pa sa 8 digs para sa huli niyang la­ro sa Philips Gold at sa PSL.

ACIRC

ALEXIS OLGARD

ALL-FILIPINO CONFERENCE

ANG

BOJANA TODOROVIC

COLA-AIR FORCE RAIDERS

DIVISION I

FOTON TORNADOES

GRAND PRIX

PHILIPS GOLD

SHY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with