Blood testing ipatutupad sa SEA Games
ATan (Pang-masa) - February 3, 2015 - 12:00am

MANILA, Philippines – Pinaalalahanan kaha­pon ni Chief of Mission Julian Ca­macho na ma­ging alisto ang mga ka­saling National Sports Associations (NSAs) sa Singapore SEA Games da­hil sa pag-iimplementa ng mas matinding drug tes­ting ng nagpapalaro.

Sa kagustuhan na la­ban­an ng Singapore ang du­maraming insidente ng pag­kakatuklas ng pagga­mit ng ipinagbabawal na gamot ng mga atleta ay ipaiiral sa unang pagka­kataon sa SEAG ang paggamit ng blood testing bilang bahagi sa drug test sa mga manlalaro.

“We are not bothered dahil wala naman tayong ga­nitong problema the past SEA Games. Pero kai­langan din na hindi mag­papabaya ang mga NSAs natin at papuntahin ang mga atleta nila na may sakit sa mga sports doctors natin para mabig­yan ng tamang gamot,” wi­ka ni Camacho.

Ang Singapore ay nag­pasabi na rin na ang la­hat ng kanilang atleta ay ipa­susuri ang dugo upang matiyak na magiging malinis sila bago ang kompetisyon.

Hindi naman makakaya ng Pilipinas na tularan ang aksyon ng Singapore da­hil mas mahal ang pag­su­ri ng dugo.

Ang dating ginagamit sa drug test ay urine sample ng mga atleta.

Nasa 279 na ang bilang ng mga aspirants para sa national team pero may posibilidad na lumobo pa ito dahil may iba pang NSAs ang hindi nagsusu­mite ng kanilang talaan.

Layunin ng de­legasyon ang ma­kaba­ngon mula sa pi­nakamasa­mang pagtatapos sa ka­say­­sayan ng pagsali ng ban­sa sa SEA Games.

Pumuwesto ang bansa sa pang-pi­to sa SEA Games sa Myanmar no­ong 2013.

ANG SINGAPORE CAMACHO CHIEF OF MISSION JULIAN CA LAYUNIN MYANMAR NATIONAL SPORTS ASSOCIATIONS PERO SHY
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with