2 trainers umabot na sa P1M
MANILA, Philippines - Dalawang trainers pa ang kumabig ng mahigit isang milyong kita matapos ang buwan ng Setyembre.
Sina RR Yamco at RP La Rosa ang mga bagong milyonaryo sa mga trainers para umakyat sa lima ang nasa kategoryang ito.
Siyam na panalo ang nailista ng mga kabayong sinasanay ni Yamco para lumundag mula sa ikaanim tungo sa ikaapat na puwesto.
May 55 panalo, 50 segundo, 81 tersero at 82 kuwarto puwesto si Yamco para umabot na sa P1,055,843.06 ang kinita.
Si La Rosa ang nasa ikalimang puwesto bitbit ang P1,043,003.77 premyo sa 74 panalo 49 segundo, 31 tersero at 23 kuwarto puwesto.
Una pa rin si Ruben Tupas pero patuloy ang pagdikit ni Conrado Vicente habang nanatili sa ikatlong puwesto si Dave dela Cruz.
Si Tupas ay may 105-105-93-97 una hanggang ikaapat na puwesto marka para sa P2,481,958.32 kita.
Umabot na sa 133 ang panalong nakuha ng mga kabayo na ginagabayan ni Vicente bukod sa 128-105-88 pangalawa hanggang sa pang-apat na puwesto tungo sa P2,446,873.19 premyo.
Si Dela Cruz ay may P1,952,040.72 sa 117-92-100-90 karta.
Nasa ikaanim na puwesto si JC Pabilic tangan ang P977,764.11 (58-59-39-65), si MM Vicente ang nasa ikapito sa P969,460.33 (47-51-61-62), si RC Hipolito ang nasa ikawalo sa P961,792.24 (35-25-16-16), nasa ikasiyam si JA Lapus sa P920,456.19 (40-66-66-96), at si RR Henson ang nasa ika-10 puwesto sa P914,997.36 (52-53-34-38). (AT)
- Latest
