Natural looking face laging uso

Never nawala sa uso ang natural looking face.

Ibig sabihin, in ka pa rin kahit walang suot na make up. Pero, paano nga ba magiging fresh at hindi haggard kahit walang make up? Narito ang mga paraan:

Pagandahin ang kilay – Ang kilay ang center of attention ng ating mukha kaya naman dapat na bigyan natin ito ng pansin.

Dapat ay pantay ang pagkakaahit ng iyong kilay at dapat itong ibagay sa hugis ng mukha. Gumamit din ng temporary tint kung kinakailangan. Lagyan din ito ng castor oil gabi-gabi bago matulog para mas kumapal ang tubo nito.

Maganda at mapu­ting ngipin ­– Malaking factor ang pagkakaroon ng magandang ngiti. Magsipilyo ng dalawa/tatlong beses sa isang araw at gumamit ng dental floss para matanggal ang tinga na nag­dudulot ng pagkasira ng ngipin.

Alagaan ang labi – Uminom ng maraming tubig para hindi manuyot ang labi. Lagyan din ito ng moisturizer bago matulog. Pagkatapos magsipilyo, i-brush din ang labi para matanggal ang deadskin.

Mag-focus sa pagkakaroon ng magandang kutis – Panandalian lang ang epekto ng make up kaya naman mas mainam kung mas bibigyang importansya ang pagkakaroon ng makinis na balat.

Gumamit ng sunblock araw-araw, kumain ng tama, uminom ng mara­ming tubig at tamang tulog ang kailangan para ma-achieve ang mala-porselanang kutis.