David, lilipad sa australia para kay Taylor

Bago mag-taping ulit ng Pulang Araw, lilipad muna for Australia si David Licauco para manood ng Eras Tour concert ni Taylor Swift.

Oo at certified Swiftie ang Pambansang Ginoo!

Dapat sana ay sa March siya manonood ng concert sa Singapore pero naubusan daw siya ng ticket kaya’t nang may makuha siya sa Sydney, agad daw niyang binili ito.

Una raw napanood ni David si Taylor noong itanghal ang Red Tour sa Pilipinas noong 2014. Mula noon ay naging fan na raw siya at nasa workout playlist niya ang mga kanta ni Taylor.

“I’ll be watching Taylor Swift’s concert. You may not know, I’m a big Taylor Swift fan. Swiftie ako eh. Nung bata pa lang ako, talagang pinapanood ko na siya. So once, nanood ako ng concert niya sa Araneta [Coliseum]. 2014 yata. So now, nag-iba na mga songs niya. Until now fan pa rin ako,” kwento ni David.

Nagpaalam daw siya sa production ng Pulang Araw para sa isang linggong bakasyon. Bukod sa concert ay bibisitahin niya ang kapatid niya na based sa Australia.

Biopic ni Michael Jackson, may patikim

Nagsimula na ang filming ng biopic ng yumaong King of Pop Michael Jackson simply titled Michael. Mula ito sa direksyon ni Antoine Fuqua.

Si Jaafar Jackson ang gaganap bilang Michael. Si Jaafar ay anak ng kapatid ni Michael na si Jermaine Jackson.

Nag-share si Jaafar ng two behind-the-scenes images in costume as the pop icon in his signature hat.

Kasama rin sa cast ang Oscar best actor nominee na si Colman Domingo as Joe Jackson, ang abusive father ng Jackson 5.

Ayon sa ni-release ng production: “The film presents his triumphs and tragedies on an epic, cinematic scale — from his human side and personal struggles to his undeniable creative genius, exemplified by his most iconic performances. As never before, audiences will experience an inside look into one of the most influential, trailblazing artists the world has ever known.”

Pumanaw si Michael noong June 25, 2009 dahil sa acute propofol intoxication.