House and lot ibibigay ng POC sa Paris gold medalist
MANILA, Philippines — Isang house and lot ang ibibigay ng Philippine Olympic Committee (POC) sa sinumang Pinoy athlete na mag-uuwi ng gold medal sa 2024 Paris Olympics.
Ito ang inihayag kahapon ni POC president Abraham “Bambol” Tolentino sa official launching ng POC-Cignal TV partnership “Isang Daang Taon Laban Para sa Bayan: Celebrating 100 Years of Filipino Excellence in the Olympics” sa Cignal Launchpad Building headquarters sa Mandaluyong City.
“If I gave houses and lots to the medalists in the Tokyo Olympics, why can’t and won’t do it again for Paris,” wika ni Tolentino.
Nauna nang binigyan ni Tolentino, ang Tagaytay City Mayor, ng bahay at lupa sina 2020 Tokyo Olympics gold medalist weightlifter Hidilyn Diaz-Naranjo at boxing silver medalists Nesthy Petecio at Carlo Paalam.
Maski si boxing bronze medalist Eumir Felix Marcial ay ginawaran din ng POC chief ng house and lot.
Ang compound kung saan naroon ang mga bahay ng tatlong boxers sa Tagaytay City ay tinawag na Olympic Village.
“Our gold medalist, one or more, in Paris fully deserves this reward for their hard work, dedication and love for sport and country,” ani Tolentino, ang unang POC president na nakapagplantsa ng isang month-long training camp para sa Olympic participation ng isang Philippine delegation
Samantala, magkakaroon ang mga kuwalipikadong Pinoy athletes ng isang month-long training camp sa Metz, France bilang preparasyon sa Paris Olympics.
Ito ang inihayag kahapon ni Tolentino kasama ang Cignal TV para sa kanilang tambalan.
Ang nasabing training camp ay gagastusan ng Cignal TV.
Plano ng Cignal na gumawa ng isang 13-part mini-series na magdodokumento sa kampanya ng mga Pinoy athletes sa Paris Olympics mula sa kanilang training sa Metz.
Nakipagkasundo na ang POC kay La Moselle president Patrick Weiten para sa paggamit ng mga national athletes sa sports facilities simula sa Hunyo pati na ang tirahan at pagkain ng mga Filipino qualifiers.
Nakatakda ang Paris Olympics sa Hulyo 26 hanggang Agosto 11.
- Latest
