CDU Hospital unang kampiyon sa ACL

CEBU, Philippines - Ang Cebu Doctors' University Hospital (CDUH) basketball team nakalingkawas batok sa Hammerhead, 85-83, aron paghimo og kasaysayan isip labing unang kampiyon sa Athletic Cebu League (ACL) ning bag-ohay pa lamang didto sa Sacred Heart Center Sports Club.

Gilangkoban og mga doktor, nars ug medical technologists nga mahiligon sab og

basketbol, ang CDU Hospital naalkansi og usa ka lugas sa unang kuwarter, 20-21, apan milusad og 19-12 rally aron ilogon ang labaw sa halftime, 39-33. Namawi sab hinoon dayon ang Hammerhead sa ikatulong kuwarter, 20-14, aron

pagpuwersa og 53-53 nga panagtabla padung sa pinal nga 10 minutos sa aksiyon. Sa kinauwahian hinoon, ang mga pambato sa CDU Hospital maoy milugwa nga

mananaog og dos puntos lamang sa makutas ug kulbahinam nga sangka alang sa gihandum nga korona

Si Oliver Quinain mipupo og 18 puntos, lima ka rebounds ug tulo ka assists alang sa

CDU Hospital hinungdan nga siya maoy gibayaw nga Finals MVP. Si Rhiel Samson milansang og unom ka 3-pointers sa iyang 20 points uban ang upat

ka rebounds ug upat ka assists apan nakawang ang iyang paningkamot sa habig sa Hammerhead.

Ang labing unang ACL season nahimong posible pinaagi sa inisyatiba nilang Dr. Dilbert Monicit, Kith Diaz Ng, ug Reg Rodulfo. Si Mardion Delima ang nagsilbeng nkomisyoner sa liga.