Antetokounmpo nagpahigot sa Bucks

CEBU, Philippines — Si NBA superstar Giannis Antetokounmpo mi-uyon sa tulo ka tuig nga contract extension uban sa Milwaukee Bucks nga mibalor og $186 million.

Mismo si Antetokounmpo ang mikompirma ning maong kalamboan pinaagi sa iyang social media.

"MILWAUKEEEEEEEEE!! Let's get it!!!!...#Extended,"suwat pa ni Antetokounmpo sa X, nga mao kanhi ang Twitter.

Kini nagpasabot nga ang two-time MVP moduwa sa Bucks hangtud sa 2026-2027 season.

Ang "Greek Freak" duna'y opsiyon nga magpabilin sa sa Bucks sa 2027-2028 apan puyde sab siyang mosud sa free agency sa Hulyo 2027 sa edad ng 32 puntos.

Si Gianni miduwa sa tibuok niya karera niya sa NBA uban sa Milwaukee nga mibira kaniyang No.15 overall pick niadtong 2013 Draft.

Gitamod nga usa sa labing maayong players sa basketball, ang 28-anyos nga si Antetokounmpo mituboy sa Bucks ngadto sa labing una nilang kampiyonato sud sa 50 ka tuig niadtong 2021.

Ning bag-ohay pa lamang, si Antetokounmpo nadasig og samot kay iyang nang kauban si All-Star guard Damian Lillard.

Sugdan sa Bucks ang ilang kampanya sa 2023-24 NBA season batok sa Philadelphia 76ers karong Biyernes.