Hawks midaog sa NBA draft lottery

CEBU, Philippines — Ang Atlanta Hawks maoy midaog sa NBA draft lottery nga gipahigayon didto sa Chicago kagahapong adlawa.

Tungod niini,  na-angkon sa Hawks ang katungod nga mokuha sa No.1 overall pick sa giatngan nga 2024 NBA Draft nga gikatadka sa Hunyo 27.

Nangiwit ang Hawks sa standings ning NBA season bitbit ang 14 lamang ka daog nga giatbangan og 68 ka pilde.

Ang umaabot nga draft, ang Washington Wizards gitahasan pagbira sa No.2 pick ug pagasundan kini sa Houston Rockets ug San Antonio Spurs.

Ang Spurs, nga maoy nakadaog sa lottery sa miaging tuig, mipile ni French phenomenon Victor Wembanyama, nga gibayaw nga "Rookie of the Year " ning season.

Apan dili sama sa miaging tuig, wa pay klaro kon kinsay molugwa nga No.1 ning higayon.

Nag-una hinoong kandidadto ang mga kababayan ni Wembanyama nga sila si Alex Sarr ug  Zaccharie Risacher.

Ang 19-anyos ug 7-footer nga sentrong si Sarr miduwa uban sa Perth Wildcats sa Australians NBL sud sa usa ka season. Nakuha niya ang atenyison sa mga kadagkuan sa NBA human mipakita'g aksiyon sa duha ka exhibition games didto sa Las Vegas batok sa G League Ignite.

Samtang si Risacher mikumbati uban sa JL Bourg-en-Bresse sa LNB Pro A French League.

Gawas nilang Sarr ug Risacher, lagmit maapil sa top 5 selection ang sentro sa University of Connecticut nga si Donovan Clingan ug guard nga si Stephon Castle, ug ang Serbian guard nga si Nikola Topic.