Unang paglangoy sukad sa pandemiya "Pinoy Aquaman" milampos sa tahas
CEBU, Philippines — Ang tinamod nga endurance swimmer nga si Ingemar "Pinoy Aquaman" Macarine milampos sa una niyang tahas sukad sa pandemiya sa dihang iyang gikumpleto ang makutas niyang lima ka kilometro nga open water swim didto sa Lake Michigan sa Amerika niadtong Hulyo 24 (Lunes, Hlyo 25 oras dinhi sa Pilipinas).
Ang 46-anyos nga si Macarine, usa ka environmental lawyer nga kasamtangang nagtrabaho isip prosecutor ubos sa Department of Justice (DOJ), original nga nagplano nga molangoy og 10km kauban ang duha ka Fil-Ams nga sila si Rey Letada ug Nick Regorgo apan nakadesidir siya nga mub-on na lang kini tungod sa dili maayong kondisyon sa panahon.
Iyang gihuman ang 5km nga distansiya sud sa duha ka oras ug 57 minutos.
"The swim took time because we only had one escort boat. We had to wait for the other swimmers and finish the swim together," suwat pa ni Macarine sa iyang Facebook. "The purpose of the swim is to promote marine conservation in the Philippines and a healthy lifestyle."
Mao kadto ang ikalimang malampuson nga nga marathon swim sa Amerika ni Macarine sunod sa Alcatraz ug Golden Gate Bridge sa San Francisco, California; Hudson River sa New York, ug Chesapeake Bay sa Maryland.
- Latest
