Thai coach nag-resign!

MANILA, Philippines — Nagbitiw si Thai coach Tai Bundit bilang assistant coach ng women’s national volleyball team.

Kinumpirma ni Philippine National Volleyball Federation national team commission chairman Tony Boy Liao ang balita matapos magsumite ng resignation letter si Bundit noong Agosto 15.

Nais ng Thai mentor na makasama ang kanyang pamilya sa ganitong uri ng sitwasyon kung saan patuloy na tumataas ang bilang ng mga tinatamaan ng coronavirus disease (COVID-19) sa Bangkok.

“He cited family reasons,” ani Liao.

Nasa average na 20,000 ang nagkakasakit kada araw sa Thailand.

Kaya naman mas mi-nabuti ni Bundit na bumalik sa Thailand para makasama ang kanyang pamilya.

Inihayag din ni Liao na wala pang linaw kung ba-balik si Bundit sa Pilipinas sa Oktubre para sa second conference ng Premier Volleyball League.

Si Bundit ang head coach ng Creamline Cool Smashers na nagtapos bilang runner-up sa Open Conference matapos matalo sa best-of-three final series sa Chery Tiggo.

Kung walang magi­ging aberya, nakatakdang umalis patungong Bangkok si Bundit kahapon.