Taulava laraw mokulit og record sa dili pa moretiro
CEBU, Philippines — Ang Fil-Tongan nga sentrong si Asi Taulava sa NLEX Road Warriors naglaraw nga makakulit og record sa dili pa moretiro.
Usa na lang unta ka duwa ang gikinahanglan ni Taulava aron mosuwat siya og kasaysayan isip labing unang player nga nakaduwa sa PBA sud sa upat ka managlahing dekada.
Apan nalangan pa ang pagkab-ot niya sa maong daog human nahunong ang PBA Season 45 niadtong Marso gumikan sa kalibutanong pandemiya.
Bisan pa man sa panghitabo, si Taulava nga maoy labing tiguwang nga aktibong player karon sa PBA sa edad nga 47-anyos, wala gihapon mawad-i og paglaum nga iyang matagamtaman ang maong kadungganan.
Gani si Taulava nagkanayon nga ang taas-taas nga pahuway mipabor kaniya gumikan kay nakapahuway man og tarong ang iyang lawas.
"With this break we had, this long four or five months straight, I gave my body a chance to rest. I feel fresh again, ready to get back to the gym and start working again," matud pa ni Taulava sa labing uwahing episode sa Tiebreaker Vods' 2OT podcast.
Miangkon si Taulava nga sa iyang edad, ang labing maayo niyang buhaton mao ang pagpabiling aktibo ug kondisyon ilabi na kay duna siya'y giambisyonan nga kab-oton.
"I guess the biggest goal for me right now is to be the first player to play for decades and that's my motivation and my drive now with all my workouts,"batbat pa ni Taulava nga nisulod sa PBA niadtong 1998.
- Latest
