Porter intersado sab ni Pacquiao

CEBU, Philippines — Nadugang ang pangan ni Shawn "Showtime" Porter (30-3-17KOs) sa nagkataas nga listahan sa mga gustong makasangka si Pinoy ring star Manny Pacquiao.

Mao kini ang gipadayag sa iyang trainer nga si Kenny Porter.

Segun sa taho sa 3kingsboxing.com, si Kenny Porter mipadayag nga naglakip sa iyang gisaytan aron makaharong sa iyang boksidor mao sila si Pacquiao, Errol 'The Truth' Spence Jr. (26-0, 21KOs), ug Terence 'Bud' Crawford (36-0, 27KOs).

Matud pa ni Kenny nga kinsa nilang tulo ang labing interesado maoy unahon nila og away.

Kana kon mabalik na sa normal ang sitwasyon.

Hinuon sa dagan sa mga panghitabo, daw si Crawford maoy sunod makontra ni Pacquiao kay mao man kini karon ang gilakad og maayo ni Top Rank promoter Bob Arum.