Standhardinger, Aguilar dili una moduwa sa gilas
CEBU, Philippines — Sila si Fil-German Christian Standhardinger ug national team veteran Japeth Aguilar dili una moduwa uban sa Gilas Pilipinas sa FIBA Asia Cup qualifiers karong bulana didto sa Thailand.
Ang duha wala miapil sa unang adlaw sa team practice sa Gilas didto sa Meralco gym.
Ang sinaligan sa NorthPort Batang Pier nga si Standhardinger mirason nga kinahanglan niya nga mopahuway kay kanunay magsakit iyang tuhod.
Ang 6-foot-8 nga si Standhardinger mao unta ang naturalized player sa Gilas, apan si coach Mark Dickel mapugos og pangita nga ikapuli niini.
"Now I came in here today to tell the problem is I have to build up the muscles in my knee to compensate, and then I can go hard. But two weeks is not enough for me to build up those muscles and then be ready and go all out and just learn the system. It's just not possible. It's a risk to get injured, and that risk is very high," matud ni Standhardinger sa ESPN5.
Mipasalig hinuon kini nga moduwa sa mga mosunod nga qualifiers alang sa 2023 FIBA World Cup diin usa ang Pilipinas sa mga host.
Sa iyang bahin, si Aguilar mihangyo usab nga mopahuway tungod kay bag-o lang kini miduwa sa miaging Governors' Cup finals uban sa Barangay Ginebra Kings.
Sa pag-atras sa duha, nahibiling mga PBA players nga kabahin sa Gilas pool mao na lang sila si Troy Rosario, JP Erram, CJ Perez, Kiefer Ravena ug Cebuano Roger Pogoy.
Ikauban nila ang mga sakop sa Gilas cadets ug PBA rookies.
- Latest
