Curry makabalik og duwa sa Marso
CEBU, Philippines — Nindot nga balita ang nadawat sa mga fans sa Golden State Warriors tungod kay mamahimo na nga mubalik og duwa alang sa sunod buwan ang two-time MVP nga si Stephen Curry human makita nga paspas ang pagrekober sa injury sa kamot niini.
Ang 31-anyos nga sharp-shooter katapusang miduwa niadtong Oktobre 30 diin siya nakahiagum og injury sa kamot batok sa Phoenix Suns. Gipaubos siya sa operasyon ug nahimong malampuson ang iyang recovery.
Si Curry nakit-an na usab nga hinay-hinay na nga misalmot sa team practice.Sa wala pa siya ma-injury, mi-average siya og 20.3 points, 6.5 assists ug 5.0 rebounds.
Sa pagbalik ni Curry, nabuhian og gamayng paglaum ang Warriors nga mupalambo sa ilang gusbat nga rekord nga 10-39.
Si Curry mihatud og titulo sa Warriors niadtong 2015,2017 ug 2018 NBA season.
- Latest
