Green nagpanikad batok Leonard

CEBU, Philippines – Mibahad si veteran shooter  Danny Green himuon niya  ang tanan kon ugaling mag-abot na ang ilang dalan sa iyang kanhi teammate ug higala nga si Kawhi Leonard  sa sunod season sa NBA.

Si Green nga mipirma og kontrata sa Los Angeles Lakers, miingon nga usa ka higanteng panagribal ang mahitabo tali sa iyang koponan ug sa LA Clippers nga gibitoonan ni Leonard.

Sila si Green ug Leonard nagkauban sa miaging season diin ilang gihatagan ang Toronto Raptors sa kampiyonato batok human gipilde ang Golden State Warriors, apan nagbuwag ang ilang dalan human mipirma sa managlahing L.A. teams.

Bisan pa og usa ka top caliber player si Leonard, si Green mas misalig sa Lakers tungod  sa presensiya nila ni LeBron James ug Anthony Davis.