Tig-2 record nilunod nina Luistro, Evangelista, Tabamo
MANILA, Philippines — Bumasag ng tig-dalawang rekord sina Trump Christian Luistro at Aishel Cid Evangelista upang pamunuan ang mga record-breakers sa 156th Philippine Swimming League (PSL) National Series - 15th Sen. Nikki Coseteng Swimming Cup kahapon sa Diliman Preparatory School swimming pool sa Quezon City.
Unang humataw ang Hope Christian School-Legazpi student na si Luistro sa boys’ 10-year 50m butterfly matapos magtala ng 33.31 segundo para tabunan ang apat na taong rekord ni Stephen Guzman na 33.68 noong 2015.
Muling umariba si Luistro sa 50m breaststroke nang magsumite ito ng 41.19 segundo para makumpleto ang two-gold sweep sa opening day ng torneong itinayugod ni Sen. Nikki Coseteng.
Nagrehistro naman ng dalawang marka ang pambato ng West Manila Christian School na si Evangelista sa boys’ 9-year 100m Individual Medley (1:20.12) at 50m breaststroke (40.94) habang kumana ng isang record si Triza Tabamo sa girls’ 11-year 100m backstroke (1:18.37).
“I’m always saying to the swimmers to not just go for gold medal but aim for the record. And I am happy that every time we are holding a tournament, a lot of records are being broken. It only means that these kids are improving,” wika ni PSL president Susan Papa.
Nagparamdam din ng lakas sina Marc Bryan Dula ng Masville Elementary School-Parañaque at Mary Maika Montecillo ng Dipolog Pilot Demonstration School na kumana ng dalawang gintong medalya gayundin sina DPS Blue Dragons Paul Christian King Cusing, Lee Grant Cabral, Jewel Sermonia at Jenn Albreicht Sermonia.
Nakasungkit ng ginto si Dula sa boys’ 12-year 100m IM (1:12.25) at 100m butterfly (1:08.32) habang nagreyna si Montecillo sa girls’ 10-year 100m IM (1:22.75) at 50m backstroke (38.31).
Nakaginto naman sina Cusing (boys’ 15-over 100m IM, 1:05.72), Cabral (boys’ 13-year 100m butterfly (1:11.97), Jewel (girls’ 15-over 100m IM, 1:28.78) at Jenn Albreicht (girls’ 10-year 50m butterfly 34.35) sa kani-kanilang dibisyon.
Ang iba pang gold medalists ay sina Kiara Acierto, Eryza Buison, Andrea Llego, Say Henry, Maureese Candelaria, Johndy Cuasay, Jude Austin Gapultos, Harold Roxas, Jay Jay Cabatian, Lean Llego, Rhyzelle Moran, Robin Kagingin, Jeanne Calayag, Rica De Silva, AshleyYu, Alexie Lucile Gapultos at Francine Valero.
- Latest