Parks Jr. wala pa'y klaro moduwa sa Blackwater, wala pa mipirma og kontrata
CEBU, Philippines — Ang Fil-American sensation ug ABL MVP nga si Ray Parks Jr. ang mitug-an mismo nga dili pa hingpit ang iyang pagduwa uban sa Blackwater Elite sa PBA Commissioner's Cup.
Si Parks Jr. nga nakuha isip No. 2 overall pick sa Blackwater atol sa miaging Rookie Draft, miingon nga moduwa siya sa PBA kun mahuman na ang iyang responsibilidad sa Alab Pilipinas nga natagak na sa playoffs sa ABL.
Hinuon, ang kanhi NBA D-League cager miingon nga wala pa siya mipirma sa three-year contract sa Blackwater nga nagkantidad og P10.4 million ug nga dili pa hingpit iyang pagduwa uban sa koponan.
Misamot ang pagduda nga si Parks Jr. walay interes sa Blackwater kay gusto niini nga adto sa Meralco Bolts ni coach Norman Black, ang suod nga higala sa iyang amahan ug kanhi PBA legendary import nga si Bobby Parks Sr.
- Latest
