Pinoy MMA champion nagpanikad sa rematch
CEBU, Philippines — Nagpangagot na ang Pinoy mixed martial arts world champion nga si Kevin Belingon sa giatangan nilang rematch batok sa Brazilian star nga si Bibiano Fernandez sa One Championship sa Marso 31 didto sa Japan.
Si Belingon midaog pinaagi sa split decision batok ni Fernandez diin iyang nailog ang One Championship bantamweight title.
Gawas sa pagdepensa sa iyang bakus, si Belingon miingon nga dugang inspirasyon niya nga mudaog mao ang pagbawi sa duha ka sunod-sunod nga kapildehan sa mga Pinoy fighters nga sila si Jeje Eustaquio ug Joshua Pacio kinsa pulos nahubuan sa ilang mga world title.
"Bibiano Fernandes is the toughest opponent of my career, and surely I am the same for him," matud pa ni Belingon sa ABS-CBN Sports.“I will try my best. I can't predict how the fight will go, but I will try to finish it this time.”
Ang Igorot fighter todo ensayo karon didto sa Baguio City uban ang iyang stablemate ug laing world champion nga si Eduard Folayang.
Si Folayang manalipod usab sa iyang ONE lightweight title batok sa Japanese legend nga si Shinya Aoki.
- Latest
