Michael Angelo Coffee & Tea nagsolo na sa liderato sa laba
CEBU, Philippines – Temporaryo na karong nagsolo sa liderato ang Michael Angelo Coffee & Tea human sa makapakurat nga 'come-from-behind' nga kadaogan batok sa Monterroyo/Co-Jordan, 66-59 sa LABA Basketball Tournament 2018 niadtong Biyernes didto sa Co Tiao King gym sa Tabok, Mandaue City.
Sa kasamtangan, ang Michael Angelo Coffee & Tea nga gipanag-iya ni Jeaneth Go Chu, nagbitbit na karon og 5-1 nga baraha.
Daw giyawaan si Richard Madrid sa maong duwa diin mipahaguros siya og 23 puntos aron pangulohan ang Michael Angelo Coffee & Tea nilang co-managers Roy Ermac, Eboy Quiñahan, William Oljol ug Genemar Cena.
Buynas sab kaayo si Pedro Villarosa nga miamot og 13 puntos.
Tabla ang iskor human sa first quarter, 14-all, apan ang Monterroyo/Co-Jordan nilang Dr. Raul Monterroyo ug Richard Jordan mi-outscored sa Michael Angelo Coffee & Tea sa second period, 21-10 aron moposte og 35-24 nga bentaha sa halftime. Miabot pa ang labaw og 14 puntos sa 3-point play ni Monterroyo, 45-31 sa third quarter. Apan human sa 50-38 paghuman sa maong kuwarter, naungot ang iskor sa Monterroyo/Co-Jordan nga gipahimuslan sab og maayo sa Michael Angelo Coffee & Tea.
Diha na miirog ang iskor sa Monterroyo/Co-Jordan sa katapusang 4:40 sa duwa sa itsa ni Michael Tañan, 52-49.
Nilabaw ang Michael Angelo Coffee & Tea sa labing unang higayon sa second half sa itsa ni Villarosa, 58-56 sa nahibiling 1:46 sa duwa ug salida na nila ang tanan sukad niadto.
Ang duha ka free throws ni Ermac maoy naghatag og komportabling labaw sa Michael Angelo Coffee & Tea.
Sa pasiunang duwa, ang Butch Surveying mipilde sa Nal's 69-57 aron mopahiluna sa ikaduhang dapit sa standing uban ang 4-1 nga baraha.
Sila si Ramie Suson ug Beinsen Herbieto nagkumboya'g 26 puntos aron mangu sa balanseng opensa sa Butch Surveying ni Engr. Butch Migriño.
Nangu sa Nal's mao si Rechel Bamba sa iyang 16 puntos.
Sa lain pang duwa, ang Explorer milubong sa Los Amigos, 93-78 sa pagpangulo ni Apit Cabahug nga mibahog og 23 puntos.
Si Jennifer Velasco mao sab ang nangu sa Los Amigos nga miburak og 26 puntos.
Ang liga nahimo pinaagi sa paningkamot ni ballclub president S/Insp. Dondon Coloscos sa abag nilang Willy Medillo, Macmac Borga ug Nante Rayla
PUNTOS MATAG USA
Unang duwa:
BUTCH Surveying (69) – Suson 15, Herbieto 11, Cabonillas 10, Mahusay 7, Castillo 6, Pios 4, Bukiron 5, Son 2, Cabucos 2, Tantuan 2, Panugaling 2, Alquizar 2, Federez 1.
NAL'S (57) – Bamba 16, Cinco 9, Apas 8, Jacalan 8, Alcontin 6, Abing 6, Miñoza 2, Taledo 2.
Ikaduhang duwa:
EXPLORER (93) – A. Cabahug 23, Gomez 8, Buenavista 8, Dayanan 8, Medillo 8, Amacio 8, Bontilao 7, Aseo 7, Colanse 6, Lepon 6, Baloro 4.
LOS Amigos (78) – Velasco 26, Sarmiento 16, Marabi 12, Villaflores 7, Buliag 6, Templado 5, Rama 3, Catapusan 2, Ochea 2.
Ikatulong duwa:
MICHAEL Angelo (68) – Madrid 23, Villarosa 13, Marturillas 7, E. Ouano 6, Ermac 6, Palero 4, Oljol 2, Bucabal 2, Quiñahan 2, Cena 1.
MONTERROYO/Co-Jordan (59) – Mendoza 8, Comendador 8, Catinoy 6, J. Landiza 6, Sugay 6, Jordan 5, Aligway 5, Atillo 4, Monterroyo 4, Tañan 4, W. Landiza 2, Ferolino 1.
- Latest