PBA Commissioner mipahamtang silot sa players; Misuspenso upat ka referees

CEBU, Philippines — Moabot ngadto sa P93,000 ang penalty nga gipahamtang ni PBA Commissioner Willie Marcial sa tulo ka players ug gisuspenso usab niya ang upat ka referees human sa nahitabong karambola tali sa GlobalPort Batang Pier ug Rain or Shine Elasto Painters niadtong miaging semana.

Ang nakasawo sa mas bug-at nga multa mao ang forward sa GlobalPort nga si Kelly Nabong, kinsa pabayron   og P50,000 nga maoy midagkot sa kagubot. Si Nabong mitukmod ni Rain or Shine point guard  Maverick Ahanmisi ug mihimo usab og bastos nga sinyas dihang padung na siya igawas sa korte. Ang import sa Batang Pier nga si Malcolm White gipamulta sab og P20,000 human niini sikha si Chris Tiu  nga nakaangkon og  gisi sa baba, samtang si Ahanmisi gipamulta og P15,000 dihang giduso niya si Sean Anthony. Gisagpa usab og P10,000 penalty sila si Mo Tautuaa sa GlobalPort ug Raymund Almazan sa Rain or Shine tungod sa ilang pag-apil-apil sa kagubot, samtang gipabayad og P2,000 matag usa sila si Jay Washington, Ryan Arana ug Bradwyn Guinto kay wala dayon  kini migawas sa korte. Upat sab ka mga repire nga sila si Rommel Gruta, Nol Quilinguen, Janine Nicandro ug Mike Flordeliza ang gisuspenso og usa ngadto sa duha ka duwa tungod sa pagkapakyas nila pagkontrolar sa kaguliyang.