Dacayana, Endrina nag-wild
CEBU, Philippines – Nagkumbinar og 45 puntos sila si Ryan Dacayana ug Bornong Endrina alang sa Harold’s Hotel nga mibihag sa Yoyi’s Pastries & Dessert, 95-88 sa FYA Season 21 Summer League 2018 basketball tournament niadtong Domingo sa Vicente Sotto gym sa Barangay Punta Princesa, Cebu City.
Si Dacayana mitikdol og 25 puntos, samtang si Endrina mitimang og 20 puntos sa Harold’s Hotel nga naluwas sa free throws nilang Dacayana ug Edemar Jumantoc. Usa sa mga adviser sa ballclub nga si Baeng Medalle mitampo’g 10 puntos sa Harold’s Hotel ni Arnel Trinidad.
Nangu sa defending champion Yoyi’s Pastries mao si Jao Rabadon nga misansan og 18 puntos, sila si Jim Rara ug Juls Aglipa mitimbre’g 14 puntos matag usa.
Misalida sab ang team manager nga si Alhmark Albaracin nga miambit og 13 puntos.
Duna unta’y purohan nga makatabla ang Yoyi’s
Pastries human sila maalkanse og tres puntos, 86-89 sa nahibiling 1:01 sa duwa, apan mikagar ang 3-point shot ni Albaracin nga nakapawong sa ilang paglaum.
Sa laing aksiyon, ang Micaela nilang Noel Medalle ug Edgar Noquillo milubong sa CRV, 115-94 ubos sa pagpangu ni Toper Marata sa iyang 24 puntos.
Si Emman Reubal mao sab ang nangu sa tulo ka CRV players ni Christian Villacastin nga miiskor og double figures pinaagi sa iyang 39 puntos.
Ang liga nahimo sa pagtambayayong sa mga opisyal sa FYA ubos sa liderato sa presidente niining si Dexter Caballero. Ang aktibong Barangay Kapitan nga si Boy Atillo mihatag sab og suporta sa maong liga.
PUNTOS MATAG USA
Unang duwa:
MICAELA (115) – Marata 24, Arias 17, E. Noquillo 16, Labrador 13, D. Tabares 13, J. Noquillo 12, N. Medalle 10, Patalita 8, Abella 6, Tabares 4, Villaver 1.
CRV (94) – Reubal 39, Demol 22, Tabaña 13, Alicante 8, Hanginon 6, Villacastin 3.
Ikaduhang duwa:
HAROLD’S Hotel (95) – Dacayana 25, Endrina 20, Jumantoc 14, B. Medalle 10, Ursal 9, Laborte 7, Parba 6.
YOYI’S Pastries (88) – Rabadon 18, Rara 14, Aglipa 14, Albaracin 13, Wabe 10, Sydiongco 6, Mata 4, Martinez 2.
- Latest
