Huey-Mirnyi tandem pupuwesto sa 3rd round
MANILA, Philippines - Puntirya nina Fil-Am Treat Huey at Belarusian Max Mirnyi na masikwat ang tiket sa third round sa 2017 Australian Open doubles competition na ginaganap sa Melbourne Park.
Makakasagupa ng 10th seed na sina Huey at Mirnyi sina unseeded Australian pair Sam Groth at Chris Guccione na namayani sa kanilang kababayan na sina Matt Reid at John-Patrick Smith, 7-6 (2), 2-6, 7-6 (3).
Nakasiguro ng tiket sa second round sina Huey at Mirnyi nang pataubin nito sina Leander Paes ng India at Andre Sa ng Brazil, 4-6, 7-6 (3), 6-4 sa opening round.
Sa pagpasok sa second round, makatitiyak na sina Huey at Mirnyi ng $14,800 premyo.
Lalarga rin si Huey sa mixed doubles katuwang si Andreja Klepac ng Slovenia.
Haharapin nina Huey at Klepac sina Michaella Krajicek ng Netherlands at Raven Klaasen ng South Africa sa first round. (CCo)
- Latest
