TNT ka tropa mipapirma 3-year contract ni Pogoy

CEBU, Philippines - Mipakita og dakung pagsalig ang perennial playoff contender   TNT  Ka Tropa ngadto sa Cebuano point guard nga si Roger Pogoy human nila kini gipapirma og three-year contract nga nagkantidad og P7.8 million.

Si Pogoy mao ang gipili sa KaTropa atol sa Gilas Pilipinas special draft gikan sa lista sa mga Gilas cadets nga nagpapili aron mahimong PBA rookie.

Si Pogoy, kinsa miduwa sa University of Cebu (UC)  Junior Webmasters  tahasan nga motabang sa point guard position  uban  nila ni Jayson Castro ug Ryan Reyes. Balansihon hinuon ni Pogoy ang iyang karera sa PBA ug ang iyang responsibilidad isip sakop sa Gilas Pilipinas 5.0.

Gawas ni Pogoy, una na usab nga mipirma og mga rookie contracts ang iyang mga kauban nga Gilas cadet nga sila si Mac Belo, Kevin Ferrer, Matthew Wright ug Jio Jalalon.

Sila si Belo, Ferrer, Wright ug Jalalon kinsa gitan-aw nga haligi sa Gilas cadets gihatagan og max contracts nga nagkantidad og P8.5 million sa Blackwater Elite, Barangay Ginebra, Phoenix Fuel Masters ug Star Hotshots. (BANAT NEWS)