Lola Carmen nag-una sa standing sa BSB
CEBU, Philippines - Nag-una na sa liderato ang Lola Carmen human sa ilang 82-67 nga kadaugan batok sa Andang sa sangka sa mga walay pilde nga teams sa Barkada sa Basket (BSB) Friendship Cup basketball tournament niadtong Domingo didto sa Labangon gym, dakbayan sa Sugbo.
Si Ronald Ong mipabuto og 22 puntos alang sa Lola Carmen nga aduna na’y 2-0 nga baraha, samtang ang Andang nga nagbitbit og 1-1 record gipangulohan ni Mario Baculi sa iyang 23 puntos.
Sa pasiunang duwa, ang Kaesy Louise milubong sa MLSD sa iskor, 81-59 alang sa ilang 1-1 nga baraha. Gipangulohan ang Kaesy Louise ni Balit Villahermosa sa iyang 25 puntos, samtang si Carl Dadang miamot og 14 puntos.
Tulo ka players sa 0-2 nga MLS ni Bern Ylanan ang mibahog og double figures nga gipangulohan ni Mark Ricablanca nga miposa og 18 puntos. Ang BSB gipasiugdahan ni Roby Ylanan.
Puntos matag usa
Unang duwa:
Kaesy Louise (81) – Villaermosa 25, Dadang 14, Maucesa 10, Andrie 8, Zapanta 8, Plantar 6. Abella 4, P. Dadang 2, Pantoja 2.
MLS (59) – Ricablanca 18, Sangcada 17, Talas 13, Basco 5.
Ikaduhang duwa:
Lola Carmen (82) – Ong 22, Taboada 16, Johannesen 10, Uy 10, Lugay 7, Jabines 7, RJ Taboada 6.Andang (67) – M. Baculi 23, Acapulco 22, Baorng 18, A. Baculi 4. (BANAT NEWS)
- Latest