Sorongon, Kenyan daog sa InsuRuns 2015
CEBU, Philippines – Misutoy sa finish line sila si veteran Cebuano runner Ruffa Sorongon ug Kenyan Hapram Kilimo aron dominaran ang tagsa-tagsa nila ka dibisyon sa gipahigayon nga InsuRuns 2015 kagahapon didto sa Sumilon Road sa Cebu Business Park.
Gipilde ni Sorongon (1:35:11) ang laing banggiitang female runner nga si Miscelle Balbuena (1:38:55) aron makuha ang 21K female crown, samtang si Mereeis Ramirez mipuwesto sa ikatulong dapit sa oras nga 1:38:56.
Sa pikas bahin, giunhan usab ni Kilimo (1:12:24) ang iyang kababayan nga si Eric Chepsirur (1:12:26). Nakasulod ang Pinoy runner nga si Michael Largo sa ikatulong dapit sa oras nga 1:15:14.
Sa 21K masters class, midaog si Alex Loloy sa oras nga 1:44:04, samtang runner-ups sila si Bonsito Tuyco ug Rhyz Buac sa oras nga 1:50:35 ug 1:52:14.
Si Cherry Andrin midaog sa 12K women’s category sa oras nga 53:05, samtang iyang igsuon nga si Lovely anaa sa ikatulo sa oras nga 57:39. Si Lovely naunhan ni Jenneda Arcuino (53:35) kinsa maoy second placer.
Ang top three finishers sa men’s 12K mao sila si Prince Joey Lee (40:34), Douglas Mwiti (40:38) ug Gerson Casinillo (51:51).
Si Arnel Florentino maoy hari sa 6K men’s sa oras nga 20:33, samtang midaog sa women’s class si Geneciel Saballa (27:01), samtang nag-una sa 3K fun run sila si Maryjoy Loberanis (11:50) ug Ruel Algufera (10:22). (BANAT NEWS)
- Latest
