Cebu movers, 3-0 sweep sa eliminations

CEBU, Philippines - Misakmit og 31 puntos si Efraim Oporto ug may 25 si Aries Magdales aron pangulohan ang Cebu Movers System, Inc. ni playing coach Boy Te nga mokulit og 100-85 nga kadaogan batok sa Shohuko 5.0 sa nagpadayon nga Game On "Warriors Cup" kagahapon didto sa Cebu Coliseum.

Si Te miiskor sab og double figures sa iyang 10 puntos samtang ang iyang buddy nga si Dr. Oliver Seno miamot og sayis puntos.

Ang Shohuko 5.0 gipangulohan nilang Bryan Mendoza ug Joseph Jayme kinsa mibahug og 26 ug 15 puntos matag usa diin may tulo ka three-pointers si Jayme.

Tungod sa maong kadaogan, ang 3-0 nga Cebu movers maoy mitapos sa eliminations isip no. 1 team ug maoy ilang ikasangka sa semifinals sunod Domingo ang 0-3 ug no. 4 seed nga Cebu Bai.com samtang maoy magbagat ang no. 2 Boss John (2-1) ug ang 1-2 nga Shohuko 5.0 isip no. 3 seed.

Kini human modaog ang Boss John batok sa Cebu Bai.com sa iskor, 55-51 diin mikadlit og 20 puntos si Dustin Yao samtang ang Cebu Bai.com gipangulohan ni Roque Tamayo sa iyang 15 puntos.

Puntos matag usa:

First Game

Cebu Movers (100)— Oporto 31, Magdales 25, Palima 12, Dajao 11, Te 10, Seno 6, Mauro 3, Doblas 3, Cheng 1.

Shokuho 5.0 (85) — Mendoza 26, Jayme 15, Bender 15, Dy 12, Siason 7, Wenceslao 6, Saavedra 2.

Second Game

Boss John (55) — Yao 20, Du 12, Padillo 10, Lim 9, Millan 4.

Cebu Bai.com (51) — Tamayo 15, Dela Fuente 9, Jangog 8, Cineo 8, Ponce 6, Tauza 3, Canoneo 2. (BANAT NEWS)