Gilas pilipinas players magbangga sa PBA karong gabii

CEBU, Philippines - Suod sila nga teammates dihang nagduwa  sila sa  Gilas Pilipinas, apan  ning  higayona mabuak ang ilang panaghigalaay  dihang magsangka  ang   Talk N’ Text Tropang Texters  ug  Alaska Aces sa   2015 PBA All-Filipino Cup  karong  adlawa  didto sa Smart Araneta Coliseum.

Ang Texters ug Aces parehong nagtinguha og daog sa una nilang duwa  sa 41st season sa PBA  nga sugdan sa alas-7 sa gabii, human sa sangka tali sa NLEX Road Warriors ug Blackwater Elite.

Ang Texters ug Aces mao ang duha ka PBA teams nga mipahuwam og daghang mga players sa Gilas nga misakmit og silver medal sa miaging FIBA Asia Championship.  Ang  Texters bidahan karon sa mga national team mainstays nga sila si Jayson Castro, Ranidel De Ocampo ug rookies Troy Rosario ug Moala Tautuaa, kinsa  giisip nga kaugmaon sa Gilas.

Sa ilang bahin, ang Aces mosuway pagpukan sa Texters sa giya nila ni Calvin Abueva, Sonny Thoss ug Dondon Hontiveros, kinsa pulos miduwa sa miaging FIBA Asia. (BANAT PALARO)