Boholanos midominar sa dragon boat race

CEBU, Philippines – Mipakita sa ilang kusug ug kapaspas ang mga Boholano paddlers batok sa mga Cebuano dihang gisakmit nila ang una ug ikatulong luna sa gipahigayung  ‘Dragons at the Boardwalk’--Karansa Festival dragon boat race kagahapon didto sa Danao City.

Ang Bohol Paddlers Association elite squad midominar sa maong lumba human sila milabang sa finish line sud sa uno minuto ug 33.90 segundos sa 300m final batok sa pambato sa Cebu nga Habagat-Team A sa oras nga 1:39.90. Ang BPA masters squad maoy third placer sa ilang 22:15.70.

Sa all-Danao division, ang  Barangay Looc midaog sa oras nga 1:36.47.  Nagsunod ang Looc paddlers sa ilang 1:36.73, samtang ang Barangay Dunggoan maoy ikatulo sa oras nga 1:36.99

Ang maong lumba nga gipasiugdahan sa kagamhanan sa Danao maoy maisip nga labing daghan og partisipante sa kasamtangan alang sa nagkasikat nga sports nga dragon boat race. (BANAT NEWS)