Bullos moaway pagbalik sa ONE FC
CEBU, Philippines - Ang Sugbuanong mixed martial artist nga si Cary ‘The Prince’ Bullos buot mobangon sa dihang moaway siya pag-usab sa ONE Fighting Championship batok ni Malaysian Ev Ting sa Marso 13 didto sa Stadium Putra sa Kuala Lumpur, Malaysia.Kini ang ikaduhang away ni Bullos sa labing daku nga MMA tournament sa Asya. Sa una niyang pagsuway, napilde siya pinaagi sa submission ngadto ni American Major Overall niadtong Nobiyembre 7 sa miaging tuig didto sa Singapore.
"I have now a chance to bounce back and finally get the win and show my skills," matud pa sa 31- anyos nga si Bullos sa SelDef MMA sa Lapu-Lapu City.
Nangambisyon si Bullos nga mamahimong unang Sugbuanong MMA fighter nga makakuha’g daog sa ONE FC.Sila si former boxer Joseph Omana ug Vaugh Donayre misuway na niini, apan nangapakyas sila. (BANAT NEWS)
- Latest
