Ex-USC Warriors reunion kada tuig na pagahimuon
Alang sa mga kanhi players sa University of San Carlos (USC) Warriors nga mitawag sa ilang grupo nga Ex-USC Gold and Green Warriors, ang ilang reunion ug Christmas Party niadtong Enero 20 maoy labing halandumon tungod kay halos 100 percent ang attendance ug ang labing dakung surpresa niadtong gabhiona mao ang pagtambong ni kanhi MICAA player Ernesto "Estong" Morales, ang giila nga usa sa labing hingigo nga "small man" sa basketball court niadtong dekada 50.
Ang nahisgotang reunion diha ipahigayon sa panimalay ni ex-Warrior Arsenio "Enyong" Estenzo, igsoon sa laing ex-Warrior ug karon Dean sa College of Law sa University of Cebu ug siya sab maoy team manager sa UC Webmasters basketball team nga si Atty. Baldomero "Merong" Estenzo.
Motuo mo'g sa dili, 45 na ka tuig nga wala makatunob og Pilipinas si Morales ug usa sa pinakamahinuklogon nga mensahe nga iyang gihimo, mao ang pagpangayo'g pasaylo ngadto sa tanan niyang kanhi teammates ug mga higala nga mitambong sa maong reunion tungod kay bisan usa ka pulong "Binisaya" hingpit na gyud niyang nalimtan. Labaw nang di na siya maantigong motinagalog kay na-ahat man lang.
Tungod kay dili naman siya makasabot sa atong pinulongan, atong hisgotan sa unahan ang pamahayag ni Morales kung unsang hitaboa nga ang iyang dila tulo na lang ka linggwahe ang masabtan ug kini mao ang English, Spanish ug German diin maoy ilang sinultihan nga gigamit isip trabahante sa General Motors sa Madrid, Spain.
Si Morales, kanhi player sa San Miguel Beer ug sa Yutivo Hardware sa MICAA.
Ug nganong dili man kadto matawag nga labing halandumong reunion? Gani, bisag ang kanhi two-time Olympian nga si Joaquin "Jake" Rojas mitambong sa maong kalihokan bisan og nagsakay na siya'g wheelchair. Tungod kay didto man sa fourth floor, giyayongan siya aron lang gyud molahos sa ibabaw diin didto ang "let's morning the night party" ug literal nga nagbaha ang Scotch Whiskey ug red wine.
Lakip sa mga inilang bisita sa mga Estenzo mao silang Atty. Danny Dean, four-time PBA MVP Ramon "El Presidente" Fernandez (uban sa among station manager sa TV5/Radyo Singko Ms. Karla Kintanar-Fernandez), living legend Julian Macoy, Nilo Velasquez, ang presidente sa USC Warriors Alumni Association, Vincent Colina, kanhi barangay captain sa Cogon-Ramos Danny Alfafara, kanhi city councilor sa Dipolog nga si Joseph Herrera, ug daghan pa. Usa sab sa mitambong mao si Mr. Pelones (oldest Warrior) nga nag-edad og 88 anyos ug tua na magpuyo sa America. Gwatsinanggo lang gyud siya gihapon tungod kay tipik sa iyang mensahe nagnakayon "I am a man of peace. My enemies are already dead."
MISCELLANEOUS. Here's a little excerpts of Morales' message to his fellow ex-Warriors.... I'm really very sorry guys I totally forgot our dialect because no one is speaking the language in Spain where I worked. In the house, I speak Spanish because my wife is a Spanish and in the office, I speak Spanish, English and German to my officemates. I never had a chance to communicate with you for more than 40 years because I don't have all your addresses and don't know where to send my letters. Right now, I don't have even a facebook account. I have an email but my wife is using it as I'm not really fond of using the internet. Sorry guys, I hope you understand.
- Latest
