Smart Gilas Pilipinas, 2-0 na sa FIBA Asia Cup

CEBU, Philippines- Gilat-an sa Smart Gilas Pilipinas ang Singapore, 74-57 aron moiskor sa ilang ikaduhang sunod-sunod nga daog sa FIBA Asia Cup kagahapon didto sa Wuhan, China.

Sama sa ilang kadaugan batok sa Chinese-Taipei niadtong Sabado, ang mga shooters sa Gilas nga sila si Gary David ug Paul Lee mao gihapon ang namuntos og maayo diin miposte sila og 43-31 nga bentaha sa first half. Ang Gilas milusad og 11-2 rally sa third period hinungdan nga miburot pag-ayo ang labaw, 53-37 nga nakapaluya sa Singapore.

Sila si David ug Lee nagkumboya'g 20 puntos alang sa Gilas  nga makigsangka sa Jordan karong hapon.