MJDL milampos pagdepensa sa ilang titulo
CEBU, Philippines - Milampos pagdepensa sa ilang titulo ang MJDL Brokers human sa ilang impresibong 97-79 nga kadaugan batok sa Ynah Brokers sa knockout finals sa 2nd BOC-CIPU Fellowship Cup basketball tournament kaniadtong Huwebes, Hunyo 26 didto sa barangay Tinago gym, ning dakbayan.
Sa sayo pa, na-angkon sa Petracorta-Rollway Brokers ang ikatulong pwesto human nila patapsingi ang Ecu Line sa iskor, 101-100.
Mibahug og 22 puntos si Baeng Medalle nga naglakip sa upat ka three-pointers aron pangulohan ang opensa sa MJDL. Pulos midugang og 11 puntos matag usa silang Janus Abellana, Dandan Enriquez ug Beking Rollon alang sa MJDL.
Sila sab maoy kampyon sa miaging tuig nga didto ipahigayon sa USC North Campus gym. Sa kinatibuk-an, ang MJDL nakatigum na'g upat ka titulo diin ang duha niini ilang nakuha sa laing torneyo.
Sa wala pa sila magsaulog, ilang gikuyogan sa pagpa-check up sa ospital ang ilang teammate nga si Christian Villacastin kinsa nagdugo ang ulo human madakdak sa sementong korte samtang nagdepensa sa sayong bahin sa fourth quarter ug wala na siya pasudla og balik.
Silang Tata Laborte ug Jef Garcia maoy nangu sa Ynah sa ilang 15 ug 14 puntos matag usa.
Sa laing bahin, si Julius Tarona maoy nangu sa Petracorta sa iyang 33 puntos samtang mihakot sab og kaugalingon niyang 33 puntos si Gerry Singson alang sa Ecu Line.
Puntos matag usa:
First Game:
Petracorta-Rollway (101) — Tarona 33, Palero 28, Manlosa 14, Sagario 8, Solidarios 8, N. Petracorta 6, Palero 4, Petracorta 2, Generalao 1.
Ecu Line Brokers (100) — Singson 33, Into 19, Olmedo 17, Castillo 7, Guardinao 6, Mondin 5, Labrador 4, Taladua 4, Tandas 3, Sasing 2.
Second Game:
MJDL (97) — B. Medalle 22, Abellana 11, Enriquez 11, Rollon 11, Laborte 9, Bensi 6, Cayanong 6, N. Medalle 5, Elloren 3, Largosa 3, Arreglo 2, Gambe 2, Villacastin 2.
Ynah (79)— Laborte 15, Garcia 14, Peras 10, Niones 8, Oporto 7, Lobitana 6, Niones 4, Purcia 4, Allerite 2, Carmen 1. (BANAT PALARO)
- Latest
