Haya tagak na sab sa World 9-Ball Championship

CEBU, Philippines - Nahanaw ang damgo sa Pilipinas nga modaog og  kampiyonato sa WPA World 9-Ball Championship human mapilde ang katapusang paglaum sa nasud  nga si Elmer Haya sa semifinals kagahapon didto sa Al Saad Sports Club sa Doha, Qatar.

Si Haya nasipyat sa iyang krusyal nga tira sa 14th rack hinungdan sa iyang kapildihan batok ni Niels Feijen sa Netherlands.

Wala kasugakod si Haya  bisan pa sa pipila ka mga Pinoy overseas workers nga miabiba kaniya.

Human ni Haya, si Feijen mipukan sab ni Albin Ouschan sa Australia sa finals, 13-10 aron sakmiton ang$30,000 nga ganting salapi. (BANAT NEWS)