Bantayan Island mo-host open chess tournament
CEBU, Philippines - Gilaumang mag-abot ang mga notadong chess players sa Sugbu, ingon man ang mga beterano ug umaabot nga players sa ipahigayong 1st Mayor Ian Christopher G. Escario Open Chess Tournament karong Hunyo 21-22 didto sa Barangay Social Hall sa isla sa Bantayan.
Ganting salapi ang madawat sa mga mananaog ning duha ka adlaw nga National Chess Federation of the Philippines (NCFP)-rated event.
Ang kampiyon sa open category makadawat og P4,000, ang second player mobulsa'g P3,000 ug ang third adunay P2,000. Ang fourth hangtod sa 10th placers makadawat og P300 matag usa.
Ang top three finishers sa 14-under ug 18-under age group sa mga residente sa ikaupat nga distrito sa Sugbu makadawat og P1,000, P600 ug P400.
Gipasiugdahan ni Anthony Castroverde, ang kalihukan usa sa mga highlights sa tinuig nga kapistahan sa Bantayan pasidungog sa ilang mahal nga patron Saints Peter and Paul. Ang registration nagkantidad og P50 alang sa Bantayan residents ug P100 sa outsiders.
Alang sa dugang mga kasayoran, mahimong mokontak nilang Nicanora Sendon sa 0947-7830104, Edwin Monsalud sa 0932-3535163 o di ba ni Michael Tinga sa 0947-9990432.
Ang 7-round Swiss system competition dumalaon ni FIDE arbiter Felix Poloyapoy Jr. sa Four Central Squares.
- Latest
