World Milk Day Fitness sa Cebu Provincial Capitol
CEBU, Philippines - Dunay pipila ka mga fitness instructors lakip na sa zumba ang mohugop karong sayo sa buntag diha sa Cebu Provincial Capitol grounds atol sa kasaulogan sa World Milk Day nga gipaluyohan sa Alaska.
Gihimong mas daku ang selebrasyon karong tuiga diin adunay dinungan nga pagpahigayon sa maong kalihukan dinhi sa Sugbu ug ingon man didto sa Manila, Baguio ug Davao.
Ang maong kalihukan sugdan sa alas-6:30 ug matapos sa alas-8 sa buntag.
Maoy tumong sa Alaska nga mahimong batasan ang pag-inom og gatas ug usa kini sa nahuna-hunaan nilang paagi aron pagpalambo sa maong drinking habit matag buntag.
Ang mosalmot karon sa 1st Alaska Gatas for Breakfast promotion makadawat og mga food items nga naglakip sa champorado, pandesal ug cereals ug ingon man Alaska powdered milk.
Ang maong kalihukan nag-awhag sa tanan sa usa ka sustansyadong pamahaw kauban ang Alaska Milk. Gitawag kini og "Breakfast With Alaska Milk."
Makasalmot sab ang katawhan sa on-line promo nga maka-upload og mga letrato nga nagpakita'g milk moustache sa ilang self photo nga dunay ilakip nga mensahe kun nganong mas gusto sila sa usa ka mahimsog nga lifestyle gamit ang gatas.
Niadtong gustong mosalmot ug mopadala'g mga hulagway, mahimong mogamit sa mga hashtags #alaskaworldmilkday, #WMD2014, #MilkSelfie ug #GatasForBreakfast.
Alang sa dugang mga pakisayod, mahimong mokontak ni Sasa sa numero 0916-5752353. (BANAT NEWS)
- Latest
