USC Green milangkat sa Under 13 Div. title

CEBU, Philippines -  Gilubong buhi sa USC Green ang Holy Spirit School-Tagbilaran, 82-38 aron sakmiton  ang   Under 13 Division I   title    sa  2014 Alaska Basketball Cup Cebu   didto sa USC North Gym sa General Maxilom Avenue, ning dakbayan.

 Gidominar sa USC ang kinatibuk-ang duwa ug ang labaw maoy labing daku nga winning margin sa USC Green sa kasamtangan.   Nagpauwan dayon ang USC og unom ka three-pointers aron moposte'g 32-2   paghuman sa first period sa panagtambayayong nilang  Vincent   Razo,  King Bagala ug Rasheed Libradilla.

 Silang Balaga ug Libradilla maoy nangu sa USC  sa ilang 16 ug 13 puntos matag usa, samtang ang HSS gipangulohan ni Francis Jungao pinaagi sa iyang siyete puntos.

 Sa Under 19, ang CVIRAA nagpadayong walay pilde ug aduna kini 3-0 nga baraha.

 Ang CVIRAA midaog batok sa SHS-AdC, 88-74, midaog sab sila batok sa USC, 54-46 ug sa USPF, 75-41.  (BANAT PALARO)