Simat, Andrin hawod sa Velez Run
CEBU, Philippines - Ang Kenyan nga si Isaac Simat ug teen running sensation Lovely Fe Andrin maoy nanghawod sa 10K premier division sa Cebu Institute of Medicine (CIM)-Velez Run kagahapon didto sa Raintree Mall.
Si Simat mitapos sa 10K men’s class run sa oras nga 33:13 batok sa iyang mga kababayan nga sila si Abraham Missos (33:17) ug Douglas Mwiti (34:40) nga mipahiluna sa ikaduha ug ikatulong dapit.
Sa pikas bahin, si Andrin mao sab ang hawod sa women’s class dihang iyang gitapos ang lumba sa oras nga 44:47. Gisundan ni Mereeiz Ramirez nga mioras og 45:41 ug si Jade Abellana sa oras nga 51:51.
Sa 10K Alumni division, si Dr. Humility Igana maoy midominar sa women's division dihang gilabang niya ang finish line sud sa usa ka oras, lima ka minutos ug 17 segundos. Si Sherry Cañete (1:02:20) ug Weda Lim (1:10:44) maoy miangkon sa mosunod nga duha ka puwesto.
Midaog sa men’s alumni class mao si Brian Seno sa oras nga 56:03, gisundan nila ni Theodore Zamore (56:25) ug Michael Esplanada (1:02:33).
Sa 10K students category sila si Adam Ampo ug Princess Villapaz maoy labing paspas sa tagsa-tagsa nila ka dibisyon.
Si Ampo maoy nag-una sa men’s class sa oras nga 50:50 batok nila ni Richard Ventura (53:57) ug Michael Go (55:06), samtang si Villapaz (1:02:09) sa women's division uban nila ni Jennica Rodriguez (1:12:30) ug Jackie Latore (1:16:21) alang sa ikaduha ug ikatulo nga dapit.
- Latest
