7-dikit na ratsada pinigil Bulldogs dinungisan ang Tamaraws
Laro Ngayon
(MOA Arena, Pasay City)
4 p.m. UP vs Ateneo
6 p.m. UE vs UST
MANILA, Philippines - Nagwakas na ang pitong sunod na arangkada ng Tamaraws.
Ito ay matapos takasan ng National University ang Far Eastern University, 59-58, sa elimination round ng 76th UAAP men’s basketball tournament kahapon sa Smart Araneta Coliseum.
Hindi nawala sa porma ang Bulldogs matapos makabangon ang TaÂmaÂraws mula sa isang 10-point deficit, 33-43, sa 4:15 sa third period at maagaw ang 58-54 abante sa 3:40 ng fourth quarter mula kina RR Garcia, Rey Mark Belo, Carl Bryan Cruz at Gryann Mendoza.
Nagsalpak si import Emmanuel Mbe ng dalawang free throws para idikit ang NU sa 56-58 agwat sa huling 2:10 ng labanan kasunod ang tatlong split ni Bobby Ray Parks, Jr. sa dulo ng laro.
Nagmintis naman ang salaksak ni Mike Tolomia sa huling posesyon ng FEU kasabay ng pagtunog ng final buzzer.
Umiskor si Gelo Alolino ng 13 points bukod pa sa 5 rebounds at 2 assists para pangunahan ang panalo ng Bulldogs.
Itinaas ng NU ang kaÂnilang baraha sa 5-3 sa itaas ng FEU (7-1) kasunod ang University of the East (4-3), University of Sto. Tomas (4-3), De La Salle University (4-4), Adamson University (3-5), five-time champions Ateneo De Manila University (3-4) at University of the Philippines (0-7).
Sa unang laro, isinalpak ni Almond Vosotros sa natitirang 1.8 segundo para itakas ang Green Archers kontra sa Falcons, 70-69, sa overtime.
Nakuha ni Vosotros ang bola nang magmintis si point guard LA Revilla.
Nabigo naman ang tangka ni Jericho Cruz mula sa 3-point line sa huling posesyon ng Adamson.
Tumapos si Vosotros na may 19 points, tampok dito ang lima sa overtime period, bukod pa ang 9 rebounds at 5 assists para banderahan ang Green Archers.
La Salle 70 - Vosotros 19, Van Opstal 13, Teng 9, Torres 8, Perkins 6, Revilla 5, Tampus 4, Salem 3, Montalbo 3.
Adamson 69 - Brondial 19, Cruz 15, Cabrera 11, Trollano 9, Petilos 6, Monteclaro 5, Sewa 2, Julkipli 1, Agustin 1, Abrigo 0, Rios 0.
Quarterscores: 14-16; 34-30; 52-4; 62-62; 70-69 (OT).
NU 59 - Alolino 13, Mbe 10, Khobuntin 10, Parks 7, Villamor 4, Porter 4, Rono 4, Perez 4, Javillonar 2, Alejandro 1, Javelona 0.
FEU 58 - Garcia 20, Tolomia 8, Romeo 8, Cruz 6, Belo 5, Mendoza 4, Hargrove 3, Inigo 2, Pogoy 2, Sentcheu 0, Jose 0, Dennison 0,.
Quarterscores: 17-17; 31-25; 50-43; 59-58.
- Latest
