Calderon miratsada sa third leg sa Kartzone superkart series

CEBU, Philippines -  Miarangkada na sab ang Sugbuanong go-kart ace nga si Jette Calderon aron mosakmit sa KT expert title atol sa third leg sa 2013 Kartzone Superkart Series niadtong Domingo didto sa Kartzone Racing Circuit sa barangay Kasambagan, ning siyudad.
 Gitapos ni Calderon ang lumba sud sa 12 minutos ug 57 segundos.
 Si Joseph Rojo mipahiluna sa ikaduha, samtang sila si  Sean  Velasco ug JT Gullas mi-okupar sa ikatulo ug ikaupat nga dapit.
 Sa laing bahin, si Stefan Reroma mao usab ang naghari sa KT masters, gisundan ni Rei Aleman alang sa ikaduha nga dapit.
 Si  Harold Justin Go maoy mipatigbabaw sa KT novice action, gisundan sab nilang Earl Taborada ug Mark  Paray alang sa  ikaduha ug ikatulo nga dapit.
 Sa mini ROK category, si Mikey Jordan sa Manila maoy midaog sa titulo, samtang sila si Bianca Bustamante ug Jarond Mesina mi-okupar sa sunod nga duha ka dapit.
 Ang top three finishers sa FH expert mao sila si Frederick Cortes, Michael Jordan ug Cluve Fermin.  (BANAT PALARO)